Jańa Zelandııada týdy aýystyrý jónindegi fınaldyq daýys berý ótýde
ASTANA. QazAqparat - Jańa Zelandııada eldiń ulttyq týyn aýystyrý boıynsha referendýmnyń fınaldyq kezeńindegi daýys berý ótýde, dep habarlady Bı-bı-sı.
Referendým nátıjeleri 24 naýryzda belgili bolady. Áleýettik saýaldamalar málimetteri boıynsha jańazelandııalyqtardyń kópshiligi eldiń qazirgi týyn saqtap qalýdy jaqtaıdy.
Buǵan deıingi refrendýmnyń alǵashqy kezeńi jeltoqsanda ótken bolatyn. Onyń qorytyndylarymen týdyń jańa úzdik dızaıny tańdvaldy: onda qara jáne kók tústi matanyń ústine kúmis paporotnık pen besburyshty tórt qyzyl juldyz salynǵan dızaındy eskız jeńimpaz boldy. Jalpyulttyq konkýrsqa 10 myńnan astam eskız qatystyryldy.
Jeltoqsandaǵy daýys berýge saılaýshylardyń kelýi 48 paıyzdy qurap, el tarıhyndaǵy referendýmdardyń bárinen de tómen boldy.
Jańa Zelandııanyń premer-mınıstri Djon Keı qazirgi tý búgingi ózgeristerge jaýap bermeıdi, ony burynǵy brıtandyq otar elderdiń memlekettik rámizderimen, sonyń ishinde avstralııalyq týmen shatastyrý ońaı, dep málimdedi.
Sonymen birge, memlekettik rámizdi ózgertýge qarsylar refrendýmdy ótkizý 27 mln. dollar qarjyny bosqa jelge shashý dep atap ótedi.
