Jańa Zelandııada meshitte bolǵan atystan 27 adam qaza tapty
ASTANA. QazAqparat - Jańa Zelandııanyń Kraıstcherch qalasynda bolǵan atystan kem degende 27 adam qaza tapqan, dep habarlaıdy «QazAqparat» HAA sheteldik basylymdarǵa silteme jasap.
Otago Daily Times basylymynyń habarlaýynsha, atys Kraıstcherch meshitterinde tús qaıta bolǵan. Nıý-Plımýtta ótken baspasóz máslıhatynda Premer-mınıstr Djasında Ardern bul oqıǵany Jańa Zelandııa tarıhyndaǵy eń qaraly kúnderdiń biri dep atady.
Polıtsııa komıssary Maık Býsh (Mike Bush) ta qaza tapqandardyń kóp ekenin rastaǵan. Onyń aıtýynsha, osy oqıǵaǵa qatysy bar degen kúdikpen bir adam ustalǵan, alaıda polıtsııa osy oqıǵaǵa kináli basqa adamdar da bolýy múmkin ekenin joramaldap otyr.
New Zealand Herald basylymynyń habaryna qaraǵanda, Maık Býsh búgin adamdardyń meshitke barmaı qoıa turýyn ótingen. Polıtseıler qala turǵyndarynan úıden shyqpaı, kez kelgen kúdikti jaǵdaıdy baıqasa, «111» nómirine habar berýin suraıdy. Qosymsha shara retinde polıtsııa qaladaǵy mektepterdiń barlyǵyn qorshaǵan. Atys bolǵan kezde Deans dańǵylynda ornalasqan Másdjıd án-Nýr meshitinde 200-ge jýyq adam bolǵan. Qazir sol kósheniń bir bóligi jabyq.
Budan bólek, Lınvýd kvartalyndaǵy meshittiń aınalasynda da atylǵan oqtardyń dybysy estilgen degen málimet bar.
