Jańa Zelandııada qoı qyrqýdan jarys ótti
ASTANA. QazAqparat - Jańa Zelandııada jarystyń jańa túri shyqty.
Jergilikti shopandar eldiń ońtústigindegi Inverk-Argıll qalasynda qoı qyrqýdan búkilálemdik chempıonat ótkizdi. Jarysqa álemniń 31 elinen 300 qatysýshy jınalǵan. Tórt kúnge sozylatyn básekede 4 jarym myń qoıdy qyrqý josparlanýda. Qyrqymǵa kelgenderdiń óneri qaıshymen qyrqý, apparatpen qyrqý, jyldamdyq, jún tazalyǵy men sapasy boıynsha baǵalanbaq. Ázirge saıystyń favorıti retinde jergilikti shopandar atalýda.
Aıta keteıik, búkilálemdik qoı qyrqý chempıonaty bıyl birinshi ret uıymdastyrylǵan. Kelesi jarysty uıymdastyrý mártebesin Frantsııa jeńip alypty. Ol 2019 jyly ótedi.
«Bizde 10-15 myń bas ýaq mal bar. Biraq olardy ýaqytyly qyrqýdan jalyqqan emespiz. Qazir qoıdy durys qyrqýǵa úıretetin kýrstar ashtyq», - dedi Japonııadan kelgen shopan Shýn Oıshı.
Derekkóz: «Habar 24» telearnasy
