Jańa Zelandııada ıtter kólik júrgizýdi úırendi
ASTANA. 7 jeltoqsan. QazAqparat - Jańa Zelandııada janýarlardy jattyqtyrýshylar ıtter tobyn kólik júrgizýge úıretti, dep habarlaıdy BBC News.
Olardy úıretýmen janýarlardy jábirleýge qarsy jergilikti qaıyrymdylyq uıym aınalysty. Janýarlardy jattyqtyrýshylardyń maqsaty qoǵamǵa ıtterdiń ıntellektýaldy múmkindikterin kórsetý boldy.
Daily Mail habarlaǵandaı, tórt aıaqtylardy úıretýge 8 aıǵa jýyq ýaqyt ketti. Birinshi kezeńde olar bólek turǵan jyldamdyqty aýystyrý tutqyshyna aıaqtaryn tıgizýdi úırendi. Keıin kóliktiń gazy men ajyratý pedali bar aǵash arbaǵa otyrǵyzyldy.
Aqyr sońynda janýarlardy jattyqtyrýshylar úzdik 3 ıtti tańdady. Olar dalada júrgen qarapaıym ıtter bolyp shyqty. Kelesi dúısenbide ıtter tikeleı efır arqyly jańazelandııalyq teledıdardan kólikte júrý mashyqtaryn kórsetetin bolady.
