Jańa Zelandııada hostelde 6 adam qaza tapqan órt qasaqana jasalǵan - polıtsııa
VELLINGTON. QazAqparat - Jańa Zelandııa polıtsııasy Vellıngtondaǵy hostelde shyqqan órtti tergep jatyr. Onyń saldarynan kem degende alty adam qaza tapty, dep habarlaıdy QazAqparat BBC News-ke silteme jasap.
Resmı derekkózder hosteldeui órttiń shyǵý sebebi retinde qasaqana órteý nusqasy qahastyrylyp jatqanyn rastady. Oqıǵadan keıin 20-dan astam adam áli tabylǵan joq.
Polıtsııa órtengen ǵımaratty tolyq teksermeı naqty qurbandar sanyn aıta almaıtynyn málimdedi. BBC News málimetinshe, seısenbide órt sóndirýshiler alty máıit tapqan. Olardyń aıtýynsha, polıtsııa qaza tapqandar men joǵalǵandardyń jeke-basyn aıtpaı otyr, óıtkeni olardyń keıbiri basqa sebeppen iz-túzsiz joǵalyp ketýi múmkin.
Órt dúısenbide jergilikti ýaqyt boıynsha tún ortasynda Jańa Zelandııa astanasyndaǵy tórt qabatty Loafers Lodge atty hostelde bastalǵan.
Hostel turǵyndary tutap jatqan ǵımarattan qaýipsiz jerge eńbektep ótýge májbúr boldy, al qalǵanyn órt sóndirýshiler ǵımarattyń shatyrynan qutqaryp aldy.
Jańa Zelandııa premer-mınıstri Krıs Hıpkıns órtti «absolıýtti tragedııa» dep, al órt sóndirýshiler órtti «elordanyń eń jaman qorqynyshy» dep atady.
Loafers Lodge hostelinde 92 bólme bar, qonaqtarǵa qysqa jáne uzaq merzimdi qyzmet kórsetedi.
Jergilikti BAQ-tyń habarlaýynsha, hostelde aýysymmen jumys isteıtin jumysshylar, medbıkeler men aýrýhana qyzmetkerleri, jumyssyzdar men úısiz adamdar turyp jatqan.
