Jańa Zelandııada «basy artyq» jyrtqyshtardyń kózi joıylady
ASTANA. QazAqparat - Kıvı qustary men totyqustardy qutqarý úshin Jańa Zelandııada barlyq jyrtqyshtardyń kózin joıý jónindegi sheshim qabyldandy. 2050 jyly elde egeýquıryq, opossým, kúzen jáne jabaıy mysyq qalmaýy tıis. Bul janýarlardyń barlyǵy elge basqa jerlerden ákelingen jáne sırek kezdesetin qustardyń quryp ketýine sebepshi bolýda, dep jazady Gizmodo.
Osy maqsatta Jańa Zelandııa úkimeti $28 mln bólip, Predator Free New Zealand Ltd ataýymen jańa kompanııa qurdy. Bul kompanııanyń maqsaty el aýmaǵyndaǵy jyrtqyshtardyń kózin tolyq joıý. Osy maqsatqa ońtaıly joldardy usynatyn basqa mekemeler jobalar tartylady.
Eldiń ekosıstemasy buryn tepe-teńdikte bolǵan dep sanalady, alaıda maorı taıpasy aralǵa polınezııalyq egeýquıryq pen ıtterdi alyp kelgen soń ol buzylǵan. Odan keıin arhıpelagqa eýropalyqtar kelip, olar da jyrtqysh sútqorektilerdi ózderimen birge ala kelgen. Bul araldaǵy qalyptasqan tabıǵı teńdiktiń shyrqyn buzǵan.
