Jańa Zelandııada alǵash ret dınozavrlardyń izderi tabyldy

 dep habarlaıdy QazAqparat Lenta. Rý saıtyna silteme jasap.

Olardyń jasy shamamen 70 mıllıon jyl dep eseptelip otyr. Eń úlken iz tańbasynyń mólsheri 60 santımetrdi quraıdy. Ortasha alǵanda izder 10-20 santımetrden aspaıdy. 10 sharshy shaqyrym alań aýmaǵynda 20-ǵa jýyq iz-tańba anyqtaldy.

Zertteýshiler izderdi zaýropodtarǵa - shóppen qorektenetin alyp dınozavrlarǵa tıesili dep uıǵaryp otyr. Zaýropodtar Jerde qaı kezde de tirshilik etken barlyq janýarlardyń ishindegi eń irisi bolyp sanalyp keldi. Ǵalymdardyń baǵalaýynsha, shaǵyn izderdiń «ıeleriniń» uzyndyǵy alty metr bolǵan. Eń irileri 40 metrge jetken.

Jańazelandııalyq izder tamasha saqtalǵanymen de erekshelenedi. Ǵalymdar olardy jaǵalaýdaǵy qaırańda qaldyrylǵan dep uıǵarady.