Jańa Zelandııada álemdegi eń qymbat týflı jasady
ASTANA. 12 sáýir. QazAqparat - Jańa Zelandııada dızaıner Kerın Vılson jasaǵan bir jup týflıdiń baǵasy 500 myń dollardan asyp jyǵyldy, dep habarlady Rosbalt.
Eksklıýzıvtik týflı jubyn jasaýǵa 50 saǵattan artyq ýaqyt ketti. Áshekeılermen árlengen, árqaısysy 21,18 karattan gaýharmen ádiptelgen bul aıaq kıim kózdiń jaýyn alatyndaı ádemi bolyp shyqty.
Onyń uzyn ókshesi taza altynnan jasaldy, oǵan 2 myń gaýhar tas jumsaldy. Bul aıaq kıim Ronald Makdonaldtyń qaıyrymdylyq aýktsıony úshin arnaıy jasalǵan. Dızaınerdiń qaýipsizdigi úshin onyń úıi kúzetke alynǵan.
Dızaınerler men zergerler asyl tastar men metaldardan osyndaı aıaq kıimderdi únemi jasap turady. 2011 jyly Bırmengemdegi kórmede jurtshylyqqa álemdegi eń qymbat týflı usynyldy - aıaq kıim taza altynnan jasalyp, 2 myń 200 gaýhar tastarmen ádipteldi. Onyń baǵasy 140 myń fýnt sterlıng (158 myń eýrodan astam) boldy.
