Jańa Zelandııada 7,1 baldyq joıqyn jer silkinisi boldy
ASTANA. QazAqparat - Jańa Zelandııanyń eki iri aralynyń biri - |Soltústik aralynda 7,1 baldyq joıqyn jer silkinisi boldy. Jergilikti bılik tsýnamı qaýpine baılanysty birneshe jaǵalaý aýdanyndaǵy turǵyndardy qaýipsiz jerge kóshirýdi bastap ketti.
Jerasty dúmpýi jergilikti ýaqyt boıynsha juma kúni tańerteń tirkeldi. AQSh Geologııalyq qyzmetiniń (USGS) málimetinshe, jerasty dúmpýiniń kindigi Gısborn qalasynan 170 shaqyrym jerde, 19 km tereńdikte ornalasqan.
Japa shekkender men ǵımarattar jáne eldi mekenderdiń qıraǵany týraly málimet joq.
Jyl saıyn Jańa Zelandııada 15 myńnan astam jer silkinisi tirkeledi. Onyń tek 150-deıi ǵana aıtarlyqtaı qýatty bolady.
