Jańa Zelandııada 6,3 magnıtýdalyq jer silkinisinen keıin tsýnamı qaýpi týraly eskertý jasaldy
ASTANA. KAZINFORM – Jańa Zelandııa jaǵalaýynda magnıtýdasy 6,3 bolatyn jer silkinisi tirkelip, bılik tsýnamı qaýpine baılanysty eskertý jarııalady, dep habarlaıdy Anadoly.
AQSh Geologııalyq qyzmetiniń (USGS) málimetinshe, jer silkinisiniń magnıtýdasy 5,9 bolǵan. Jerasty dúmpýiniń oshaǵy Te-Anaý qalasynan soltústik-batysqa qaraı shamamen 42 shaqyrym jerde, 76,4 shaqyrym tereńdikte jatyr.
Jer silkinisinen keıin yqtımal tsýnamı qaýpine baılanysty eskertý jarııalandy.
Qazirgi ýaqytta qaza tapqandar, zardap shekkender nemese iri kólemdegi qıraýlar týraly aqparat túsken joq.
Al Jańa Zelandııanyń seısmologtary jer silkinisiniń magnıtýdasyn 6,3 dep baǵalady. Bul kórsetkish USGS jarııalaǵan málimetten joǵary.
Jańa Zelandııa Solomon araldary sııaqty Tynyq muhıtynyń otty beldeýinde ornalasqan. Bul – jer silkinisteri men janartaýlardyń atqylaýy jıi bolatyn álemdegi eń belsendi seısmıkalyq aımaqtardyń biri.
Osyǵan deıin habarlaǵanymyzdaı, qazaqstandyq seısmologtar Batys Sibirdiń ońtústiginde jer silkinisin tirkedi.
