Jańa Zelandııada 16-shy qabattan qulaǵan jasóspirim aman qaldy
ASTANA. Shildeniń 26-sy. QazAqparat - Jańa Zelandııada 16-shy qabattan qulaǵan 15 jasar jasóspirim aman qaldy. Bul týraly Associated Press agenttigi jergilikti buqaralyq aqparat quraldaryna silteme jasap habarlaıdy.
Páter balkonynda oınap otyrǵan jasóspirim 16-shy qabattan qulaǵan jáne avtoturaqtyń shatyryna qulap, ony tesip ótken. Shatyrdyń qańyltyrdan jáne oqshaýlaýshy materıaldan jasalǵany anyqtalyp otyr, múmkin, sondyqtan da bala aman qalǵan shyǵar.
Jasóspirim Oklend gospıtaline býyn jáne qabyrǵa synyqtarymen, aıaq jaraqaty jáne ishki organdardyń zaqymdaný belgilerimen jetkizilgen. Dárigerler onyń jaǵdaıyn turaqty dep baǵalap otyr.
