Jańa Zelandııa jaǵalaýynda qýatty jer silkinisi boldy

AQSh-tyń geologııalyq qyzmeti magnıtýdasy 7,4 baldyq jer silkinisin tirkedi. Mamandardyń málimetterine qaraǵanda, zilzala kindigi Kraıstcherch qalasynan 95 shaqyrym qashyqtyqta bolǵan, dep habarlaıdy Bı-bı-sı.

Bul jańazelandııalyq qala áli kúnge deıin 2011 jylǵy, 185 adamnyń ómirin alyp ketken qýatty jer silkinisi saldarynan tolyq aıyǵyp kete almaı otyr.

Ázirge jańa jer silkinisinen qurban bolǵandar men qırandylar jóninde habar túsken joq. Kórshi qalalardyń turǵyndary bolsa, edáýir jer asty dúmpýlerin sezingen.  

Jańa Zelandııa Tynyqmuhıttyq janartaýlardyń otty sheńberi atalatyn aýmaqqa kiredi. Álemde bolyp jatqan barlyq jer silkinisiniń 90 paıyzy jáne olardyń ishindegi eń qýattylarynyń 80 paıyzy osy óńirdiń enshisinde.