Jańa Zelandııa jaǵalaýyna 400-den astam delfın shyǵyp qaldy
ASTANA. QazAqparat -Jańa Zelandııanyń Ońtústik aralynda jaǵaǵa 400-den astam qara grınd-delfın (bastary shar tárizdes) shyǵyp qaldy, dep habarlaıdy RIA Novostı Radio New Zealand-qa silteme jasap.
Delfınderdiń basym bóligi qyrylyp qaldy, degenmen jappaı qutqarý operatsııasyna qatysyp jatqan eriktiler júzge jýyq delfındi qutqaryp qaldy. Qutqarylǵan sútqorektiler áli de shyǵanaqta júzip júr. Al qaıyqtaǵy qutqarýshylar olardy ashyq teńizge shyǵarý úshin durys baǵyt silteýge tyrysýda.
Jańa Zelandııada kıtter men delfınder jaǵaǵa jıi shyǵyp qalady. Áli kúnge deıin ǵalymdar álemniń túkpir-túkpirindegi kıt tárizdilerdiń ózderin jaǵaǵa laqtyryp tastaýynyń sebebin tappaı keledi. Anyǵy sol, eger bir delfın ózin-ózi jaǵaǵa laqtyrsa, úıirindegi ózge delfınder oǵan kómekteskisi kelip, jaǵaǵa shyǵady.
