Jańa Zelandııa premer-mınıstri otstavkaǵa ketetin boldy
ASTANA. QazAqparat - Jańa Zelandııa premer-mınıstri Djasında Ardern kelesi aıdan bastap qyzmetinen ketetinin málimdedi. Ol bul qyzmette jumys isteýge kúshi jetpeıtinin, emotsıonaldyq sharshaǵanyn aıtty. Bul týraly QazAqparat VVS-ge silteme jasap habarlaıdy.
42 jastaǵy Ardern premer qyzmetinde alty jyl jumys istep, qajyǵanyn aıtty. Ol 7 aqpannan bastap Leıborıstik partııa kóshbasshysy qyzmetinen ketedi. Taıaý kúnderi onyń ornyna kim keletinin anyqtaý úshin daýys berý bastalady. 14 qazanda Jańa Zelandııada saılaý ótedi. Ardern jazǵy demalysta bolashaǵy týraly oılanǵanyn aıtty.
«Jumysty jalǵastyrý úshin qajetti kúsh tabamyn dep úmittenip edim, biraq, ókinishke qaraı, tappadym. Osy qyzmetimdi jalǵastyra beretin bolsam Jańa Zelandııaǵa zııan tıgizemin», - dedi ol.
Djasında Ardern 2017 jyly 37 jasynda premer-mınıstr atanyp, úkimet basshysy qyzmetindegi álemdegi eń jas áıel bolǵan edi.
Foto: Getty Images
