Jańa Zelandııa Qazaqstanmen bilim jáne saýda-sattyq salalaryndaǵy qarym-qatynasty nyǵaıtýǵa múddeli

Bul týraly búgin Aqordada QR Memlekettik hatshysy-Syrtqy ister mınıstri Qanat Saýdabaevqa senim gramotasyn tapsyrǵannan keıingi brıfıngte Jańa Zelandııanyń Qazaqstandaǵy Tótenshe jáne Ókiletti Elshisi qyzmetin qosa atqarýshy Ien Aleksandr Hıll aıtty, dep habarlaıdy QazAqparat.

«Bizderdiń elderimizdiń arasyndaǵy ara-qashyqtyqtyń sonshalyqty úlkendigine qaramastan, bizde jylyshyraıly qarym-qatynas qalyptasqan. Meniń elshilik qyzmetim kezinde Qazaqstan men Jańa Zelandııa arasyndaǵy qarym-qatynas, ásirese bilim berý, saýda-sattyq jáne týrızm salalaryndaǵy, keńeıedi ári nyǵaıa túsedi dep úmittenemin», dedi brıfıngte Elshi.

Sonymen qatar Elshi Jańa Zelandııada mal sharýashylyǵy jaqsy damyǵanyn aıta kele: «Ózara paıdaly yntymaqtastyqty jolǵa qoıýǵa múmkindik týyp qalar», dedi.