Jańa Zelandııa astanasy bir saǵat elektr qýatynsyz qaldy
ASTANA. Sáýirdiń 22-si. QazAqparat - Jańa Zelandııanyń astanasy - Vellıngton búgin bir saǵat boıy elektr qýatynsyz qaldy, dep habarlaıdy Frans-Press agenttigi.
Oqys oqıǵa, qala mańyndaǵy shaǵyn elektr stansasynyń birinde kúshti qýatty jelige úzilgen symnyń jaısyz qulaýy sebep bolǵan, dep boljaý aıtylady. Sol kezde stansada josparly tehnıkalyq tekserý júrip jatqan.
Tosyn jaǵdaıdan eshkim zııan shekpegen: shaǵyn stansaǵa az ǵana zalal kelgen. Degenmen, elektrdi óshirý Vellıngtonnyń ózindegi 84 myńnan astam adamdy qolaısyz jaǵdaıǵa dýshar etti.
Eriksiz "blackout" (qarańǵylaý) kesirinen baǵdarshamdardyń biraz bóligi óship qalyp, avtokólikter qozǵalysy edáýir qıyndyq týǵyzǵan. Jeliler boıynda májbúrsiz irkilgen trolleıbýstar basqa kóliktegilerge kedergi keltirgen.
