Jańa Zelandııa aralynda 7 baldyq zilzala boldy

ASTANA. QazAqparat – Jańa Zelandııanyń Kermadek araldarynda beısenbi kúni jergilikti ýaqytpen 13:56-da magnıtýdasy 7,0 baldyq zilzala tirkeldi. Bul týraly QazAqparat Sınhýa agenttigine silteme jasap habarlaıdy.

Gavaı araldaryndaǵy tsýnamı týraly eskertetin Tynyq muhıt ortalyǵy «Kermadek araldarynyń keıbir jaǵalaýynda 0,3-1 m deıin jetetin tsýnamı bolýy múmkin» dep habarlady.

Al eldiń Tótenshe jaǵdaılardy basqarý ulttyq agenttiginiń deregi boıynsha, kúshti jer silkinisinen keıin Jańa Zelandııaǵa tsýnamı qaýpi tónip turǵan joq.