Jańa zań jobasynda mıtıng ótkizý tártibi belgilendi - Jambyl Ahmetbekov
«Ulttyq keńes otyrysynda úsh jumys toby qurylǵan bolatyn. Sol toptardyń jumys qorytyndysy halyqqa aqparat retinde taratyldy. Búgingi Ulttyq keńes otyrysynda Prezıdent Qasym-Jomart Toqaev alǵa qoıǵan maqsaty men Ulttyq keńestiń alǵashqy otyrysynda aıtylǵan máselelerdiń sheshilý barysy týraly baıandama oqydy. Qoǵamnyń kóńilinen shyǵyp otyrǵan másele óte kóp, sebebi alǵashqy otyrysta aıtylǵan máselelerdiń sheshimi tabylyp jatyr», - deıdi Jambyl Ahmetbekov.
Sondaı-aq, ol saıası reforma máselesine keńinen toqtalyp ótti.
«Buǵan deıin halyq saıası reforma kerek ekenin aıtyp kele jatqanmen, ol bılik tarapynan eshqandaı sheshimin tapqan joq. Endi Ulttyq qoǵamdyq keńes qurylǵannan keıin bul másele sheshimin tabatyndaı. Mysaly, Prezıdent saıası reforma - halyqty dúrbeleńge ákelmeıtin, birtindeı jasalatyn reforma ekenin aıtty», - deıdi ol.
Sondaı-aq, Jambyl Ahmetbekov mıtınginiń qalaı ótýi kerektigi týraly jańa zań jobasy daıyndalǵanyn aıtty.
«Jańa zań jobasynda mıtıng ótkizý tártibi belgilendi. Ol jaı ǵana quqyq emes, jaýapkershilik ekeni bilgilendi. Sonymen qatar »Júrgizýshi« statýsy, »Qatysýshy« statýsy retinde jańa uǵymdar paıda boldy. Endi mıtıng ótkizer kezde eń bastysy burynǵydaı ruqsat alý máselesi emes, mıtıngtiń qaıda ótetini, qansha adam jınalatyny jáne qandaı másele qaralatyny týraly eskertip aıtý jaǵy qaralady. Mıtıngtiń ótýi zańnamaǵa qaıshy bolmaýy jáne qoǵamdyq tártipti buzbaý kerek», - deıdi ol.
