Jańa zań jobasynda adam saýdasynan jábirlenýshilerge tegin advokattyq kómek qarastyrylǵan
ASTANA. 6 qyrkúıek. QazAqparat - Qazaqstannyń Іshki ister mınıstrligi elimizdiń memlekettik organdarymen birlese adam saýdasyna tosqaýyl qoıý baǵytynda QR-dyń keıbir zańnamalyq aktilerine ózgerister men tolyqtyrýlar engizý týraly zań jobasyn ázirledi.
Bul týraly búgin Astanada adam saýdasymen kúres máselelerine arnalǵan quqyq qorǵaý organdary men ÚEU arasyndaǵy ulttyq dıalog barysynda QR ІІM Krımınaldyq polıtsııa komıteti uıymdasqan qylmysqa qarsy kúres basqarmasynyń bastyǵy Erlan Omarbekov aıtty.
«Bıyl ІІM Qazaqstannyń memlekettik organdarymen birlese «Adam saýdasyna tosqaýyl qoıý baǵytynda Qazaqstan Respýblıkasynyń keıbir zańnamalyq aktilerine ózgerister men tolyqtyrýlar engizý týraly» zań jobasy ázirlendi. Onda birqatar ózgerister qarastyrylǵan, onyń ishinde qylmystyq qýdalaý jáne sotta isti qaraý satysynda jábirlenýshilerdiń quqyn qorǵaý úshin advokattardyń tegin zańgerlik mamandandyrylǵan kómegin usyný sheshimi qarastyrylǵan»,-dep atap ótti ol.
Osy oraıda E. Omarbekov qazirgi kezde kelisý sharalary aıasynda zań jobasy memlekettik organdardyń qaraýynda jatqanyn jetkizdi.
