Jańa zań jobasymen atom energııasyn paıdalaný salasyndaǵy qyzmetti júzege asyrýdyń sharttary men tártibi anyqtalyp otyr
ASTANA. Jeltoqsannyń 25-i. QazAqparat /Aıdyn Báımen/ - Úkimetten Májiliske «Atom energııasyn paıdalaný týraly» jańa zań jobasy kelip tústi,
dep habarlaıdy QazAqparat.
1998 jylǵy sáýirdiń 14-inde Qazaqstanda «Atom energııasyn paıdalaný týraly» Qazaqstannyń Zańy qabyldandy. Ol atom energııasyn beıbit maqsatta paıdalaný salasyndaǵy qoǵamdyq qatynastardy retteýdiń quqyqtyq negizin belgileıdi jáne adamdardyń densaýlyǵy men ómirin qorǵaýǵa ári ıadrolyq jáne radıatsııalyq qaýipsizdikti qamtamasyz etýge baǵyttaldy.
Sońǵy jyldary Ekologııalyq kodeks, «Tehnıkalyq retteý týraly» Zań qabyldandy. 1999 jyldan bastap joǵary baıytylǵan ıadrolyq otynmen jumys isteýdi qamtıtyn BN-350 reaktoryn paıdalanýdan shyǵarýdyń aýqymdy jáne tehnıkalyq jaǵynan kúrdeli jobasy iske asyrylýda. El Prezıdentiniń Qazaqstan halqyna 2007, 2008 jyldardaǵy Joldaýlarynyń erejelerine sáıkes elimizde atom energetıkasynyń negizderin jasaý, ıadrolyq-energetıkalyq salany damytý jóninde jumystar júrgizilýde jáne atom stantsııasyn salý josparlanýda.
Zań jobasynda negizgi uǵymdardy naqtylaý jáne halyqaralyq termınologııamen úılestirý, Úkimettiń, ýákiletti organnyń atom energııasyn paıdalaný salasyndaǵy ýákiletti organnyń quzyretin belgileý jáne olardyń ara jigin ajyratý kózdeledi. Sondaı-aq atom energııasyn paıdalaný salasyndaǵy memlekettik baqylaýdy jáne qadaǵalaýdy júzege asyrý, ıadrolyq, radıatsııalyq jáne elektrofızıkalyq qondyrǵylardyń radıatsııalyq qaýiptiligi sanattaryn anyqtaý qarastyrylyp otyr.
Atom energııasyn paıdalaný salasyndaǵy qyzmetti júzege asyrý sharttary men tártibi anyqtaldy. ıAdrolyq materıaldar men ıondaýshy sáýlelený kózderi esepke alynady.
ıAdrolyq jáne radıatsııalyq qaýipsizdikke saraptama júrgizý tártibi, qaýipsizdik salasyndaǵy qajetti ǵylymı jáne tehnıkalyq zertteýlerdi anyqtaý qaýipsizdiktiń joǵary standarttaryn qoldaý úshin mańyzdy bolmaq.
Qoldanystaǵy Zań mátininiń mazmunyna engiziletin ózgeristerdi baǵalaý mátin mazmuny kóleminiń jartysynan asady. Sondyqtan onyń jańa redaktsııasyn qabyldaý jón dep tabylyp otyr.
Zań jobasyn qabyldaý zańnamalyq bazany odan ári jetildirýge jáne atom energııasyn paıdalanýǵa baılanysty qyzmetti júzege asyrý kezinde qoǵamdyq qatynastardy quqyqtyq retteýdegi bar olqylyqtardy joıýǵa ákeledi.
Zań jobasy ǵylymı-quqyqtyq, sybaılas jemqorlyqqa qarsy jáne ekologııalyq saraptamalardan ótken.
Osy zań jobasy adamdardyń densaýlyǵy men ómirin, olardyń múlkin saqtaý, qorshaǵan ortany qorǵaý maqsatynda atom energııasyn paıdalaný salasyndaǵy qoǵamdyq qatynastardy retteýdiń quqyqtyq negizi men prıntsıpterin aıqyndaıdy jáne ıadrolyq qarýdy taratpaý rejımin, atom energııasyn paıdalaný kezinde ıadrolyq, radıatsııalyq jáne ıadrolyq fızıkalyq qaýipsizdikti qamtamasyz etýge baǵyttalǵan.
