Jańa zań jobasy memlekettik qyzmetkerlerdiń sanyn qysqartýdy kózdemeıdi - Á.Báımenov
ASTANA. 1 qarasha. QazAqparat - Parlament Májilisiniń qaraýyna engizilgen
«Qazaqstan Respýblıkasynyń keıbir zańnamalyq aktilerine memlekettik qyzmet máseleleri boıynsha ózgerister men tolyqtyrýlar engizý týraly» zań jobasy memlekettik qyzmetkerlerdiń sanyn qysqartýdy kózdemeıdi. Bul týraly búgingi baspasóz máslıhatynda QR Memlekettik qyzmet isteri agenttiginiń tóraǵasy Álıhan Báımenov aıtty.
Agenttik tóraǵasy atap kórsetkendeı, atalǵan qujatta memlekettik qyzmetkerlerdiń sanyna qatysty eshteńe aıtylmaǵan. «Memqyzmetkerlerdiń sany basqa zańnamalyq aktilermen retteledi. Sondyqtan jańa zań jobasynda ol másele qarastyrylmaıdy», - deıdi Á.Báımenov.
Degenmen, ol qazirgi kezde QR Ekonomıkalyq damý jáne saýda mınıstrliginiń arnaıy saraptama júrgizip jatqandyǵyn jetkizdi. Onyń negizgi maqsaty - memlekettik organdar arasynda qadrlyq resýrstardy tıimdi taratý.
«Bolashaqta saıası jáne ákimshilik qyzmetkerlerdiń arasalmaǵy ózgeredi. Josparǵa sáıkes, saıası sheneýnikterdiń sany qysqartylady. Ol shara memlekettik qyzmet sapasyn arttyrýdy kózdeıdi», - dep atap kórsetti Á.Báımenov.
