Jańa zań jobalary jumysshy tobynda da, Parlamentte de, qoldanysta da qazaqsha sóılep, elge qyzmet etetindeı bolýy kerek - Ramazan Sárpekov
ALMATY. 3 maýsym. QazAqparat /Erlik Erjanuly/ - Qazir aryz- shaǵymdardyń basym kópshiligine negiz bop otyrǵan jaǵdaı qylmystyq is júrgizý protsesindegi til máselesiniń buzylýy bolyp otyr.
Ony QR Parlament Májilisiniń depýtaty Ramazan Sárpekov búgin Almatyda «Qylmystyq is júrgizýdi odan ári reformalaý máseleleri jónindegi QR keıbir zańnamalyq aktilerine ózgerister men tolyqtyrýlar engizý týraly» zańnyń jobasyn talqylaýǵa arnalǵan dóńgelek ústel jıynynda aıtty.
«Qoldanystaǵy qylmystyq is júrgizý kodeksi 1997 jyly qabyldanǵan. Ol kezde biz de sýdıa bop istedik. Onyń qazaq tilindegi nusqasynda myńdaǵan qatelikter ketken. Úkim shyǵaratyn kezde qazaq, orys tilindegi mátindi aldymyzǵa qatar qoıyp otyratynbyz. Sot protsesine qatysty «turyńyzdar, sot keledi!» degen sózdiń ózi qylmystyq kodekstiń qazaqshasynda joq bolatyn. Sondyqtan alǵashqy kúnen bastap jumysshy tobynda da, erteń Parlamentte de, odan keıin qoldanysta da bul qazaqsha sóıleıtin zań bolýy kerek, elge qyzmet etetindeı. Búgingi berilgen qujattardyń ishinde qazaqsha matrıaldar da joq eken. Osyǵan nazar aýdarǵanymyz durys pa dep oılaımyn», - deıdi Májilistiń Zań jáne sot-quqyqtyq reforma komıtetiniń múshesi Ramazan Qumarbekuly.
Onyń aıtýynsha, sońǵy ýaqyta shetelden myńdaǵan otandastarymyz elge kelip jatyr. Astanada ótken Dúnıejúzi qazaqtarynyń IV quryltaıynda Elbasy osy ýaqytqa deıin shetelden mıllıonan astam adam kelgenin, alda áli de kútip otyrmyz degendi aıtty. Olardyń basym kópshiligi orys tilin bilmeıdi. Azamattardyń aryz-shaǵymdarynyń basym kópshiliginde sot protsesinde til máselesiniń buzylýyna bul jaǵdaı negiz bop otyr.
