Jańa zań jobalar halyqaralyq máselelerge qatysty bolyp otyr
ANA. 12 qarasha. QazAqparat - Búgin QR Parlamenti Májilisi Bıýrosynyń otyrysynda Úkimetten kelip túsken halyqaralyq máselelerge qatysty jańa zań jobalary jóninde málimet jasaldy.
Atap aıtqanda, «Qazaqstan Respýblıkasynyń Úkimeti men Ózbekstan Respýblıkasynyń Úkimeti arasyndaǵy Qazaqstan Respýblıkasynyń Ózbekstan Respýblıkasyndaǵy jáne Ózbekstan Respýblıkasynyń Qazaqstan Respýblıkasyndaǵy dıplomatııalyq ókildikteriniń ǵımarattaryn salý úshin jer ýchaskelerin ózara berý týraly kelisimdi ratıfıkatsııalaý týraly» zań jobasy boıynsha aldaǵy aptada ótetin Palatanyń jalpy otyrysynda qorytyndy ázirleý ýaqyttary anyqtalatyn bolady.
Sondaı-aq «1997 jylǵy ıAdrolyq zalal úshin azamattyq jaýapkershilik týraly Vena konventsııasyn ratıfıkatsııalaý týraly» zań jobasy da óndiriske alyndy. Bul zań jobasy 1997 jylǵy 12 qyrkúıektegi Hattamamen engizilgen túzetýlermen 1963 jylǵy 21 mamyrdaǵy ıAdrolyq zalal úshin azamattyq jaýapkershilik týraly Vena konventsııasynyń jıyntyq mátini bolyp tabylady.
Osy zań jobalar boıynsha jumys tobyn qurý mindeti Halyqaralyq ister, qorǵanys jáne qaýipsizdik komıtetine júkteldi.
Bıýro otyrysynda Májilistiń zań shyǵarýshylyq qyzmetine qatysty ózge de máseleler qaraldy.
