Jańa vagondar satyp alý úshin halyqaralyq tender jarııalanady
«Kompanııamyzdyń aldynda bılet baǵasyn kóterý máselesi turǵan joq. Basty mindetimiz – «Jolaýshylar tasymaly» AQ-tyń ekonomıkalyq tıimdiligin arttyrý, jańa strategııany ázirleý jáne kompanııa qyzmetiniń suranysyn arttyrý. Ázirge kompanııany damytýdyń birneshe jolyn kórip otyrmyz: birinshi qadam – 2020 jyldyń jazyna deıin suranysqa saı vagondardyń sanyn arttyrý. Sondaı-aq, qazirgi vagondar parkine tehnologııalyq qyzmet kórsetý sapasyn jaqsartqymyz keledi. Ekinshi qadam – bıyl kompanııany damytýdyń strategııasyn ázirleımiz. ıAǵnı, bizge qandaı jáne qansha vagon qajet ekenin aıqyndap, vagondar naryǵy qazir qalaı damyp kele jatqanyn bilip alý kerek. Kelesi jyly vagon satyp alý boıynsha halyqaralyq tender jarııalanady», - dedi Mıhael Kortıým.
Eske sala ketsek, búgin «Jolaýshylar tasymaly» AQ Bas dırektory Mıhael Kortıým men «Tulpar-Talgo» JShS óndiris jónindegi dırektory Ramazan Tileýlenov elordadaǵy Nur-Sultan-1 stantsııasynda jańa vagondardy tanystyrǵan bolatyn.
Aıta keteıik, bıyl otandyq temir jol parkine TVZ tehnologııasy boıynsha 63 jańa vagon qosylyp otyr. Onyń 25-i osydan úsh aı buryn iske qosylyp, shilde aıynan beri «Almaty-Mańǵystaý» baǵyty boıynsha qatynaıtyn poıyzdardyń qataryn tolyqtyrǵan. Ekinshi partııa 15 vagon qyrkúıek aıynda paıdalanýǵa berilse, sońǵy 23 vagon búgin qoldanysqa engizilip otyr.
