Jańa úılerdiń dybys ótkizbeý qabileti nege nashar
NUR-SULTAN. QazAqparat – Qazaqstan Qurylysshylar odaǵynyń basshysy Talǵat Erǵalıev jańadan salynǵan keıbir úılerdiń shýyldan qorǵaý qabileti nelikten álsiz ekenin túsindirdi, dep habarlaıdy QazAqparat tilshisi.
«Dybysty ótkizbeıtin materıal eki qabyrǵaǵa qalanǵan kirpshiterdiń arasyna tóseledi. Bálkim sharshy metrdiń quny qoljetimdi bolý úshin únemdeý áserinen aýytqý bolatyn shyǵar. Biraq negizi kez kelgen qurylys kompanııasy qurylys materıalyn ornymen, qajet mólsherde paıdalanýǵa tyrysady», - dedi Talǵat Erǵalıev qurylysshylar odaǵy otyrysynyń BAQ ókilerine bergen suhbatynda.
Ol ózi basqaratyn qurylysshylar odaǵy bul máseleni qadaǵalmaıtynyn atady.
«Joq, biz bul máseleni teksermeımiz. Sebebi biz baqylaýshy organ emespiz. Biz qurylys kompanııalarynyń múmkindigin keńeıtý jolynda qoldaý kórsetemiz. Osy arqyly neǵurlym kóbirek baspana salynyp, el muqtajdyǵyn azaıtýǵa kúsh salamyz. Bizdiń negizgi mıssııamyz osymen baılanysty», - dep túıindedi Talǵat Erǵalıev.
