Jańa uıaly qosymsha ishimdikke táýeldilikpen kúresýge kómektesedi
ASTANA. QazAqparat - AQSh-ta adamdardyń araqqa degen qyzyǵýshylyǵyn joıýǵa kómektesetin uıaly telefonǵa arnalǵan qosymsha jasap shyǵaryldy. Bul týraly ITAR-TASS habarlady. Baǵdarlama ıesi araq-sharaby bar ǵımaratqa jaqyndap kele jatsa, oǵan belgi beretin kórinedi.
Sondaı-aq, A-CHASS dep atalatyn qosymsha únemi qoldanýshyǵa alkogoldiń zııany týraly eskertpeler jiberip otyrady. Sonymen qatar, baǵdarlama qoldanýshysymen túrli anketalyq saýalnamalar júrgizip, onyń jaýaptarynyń saraptamasy qandaı da bir aýytqýshylyqty tapsa, birden dárigerge habarlama jiberedi. Sondaı-aq, ol ishimdikke táýeldilikten arylý boıynsha belgili ǵalymdarǵa silteme jasap, túrli ınternet-resýrstardan osy taqyrypqa baılanysty paıdaly málimetterdi jınap bere alady.
AQSh ǵalymdary bir jyl boıy júrgizgen zertteýge 349 emdelýshi qatysqan. Solardyń 170-i ishimdikten arylý úshin dástúrli ádistermen qatar, A-CHASS kómegine de júgingen. Al qalǵan 179 adam bul qosymshagny múlde qoldanbaǵan. Nátıjesinde belgili bolǵandaı, birinshi toptaǵy adamdar ekinshi toptaǵylarǵa qaraǵanda edáýir tez áli ońaı jolmen emdelip shyqqan.
