Jańa úlgidegi júrgizýshi kýáligi 2020 jyldan bastap beriledi
NUR-SULTAN. QazAqparat – Jańa úlgidegi júrgizýshi kýáligi 2020 jyldan bastap berile bastaıdy, dep habarlaıdy QazAqparat ІІM silteme jasap.
Mınıstrlik buryn berilgen júrgizýshi kýálikteri men kólik quralyn tirkeý týraly kýálikterdi aýystyrýdyń qajeti joq ekenin aıtty.
«Júrgizýshi kýáligi qyzmet merziminiń ýaqytynda jaramdy bola beredi (júrgizýshi kýáligi berilgen kúnnen bastap 10 jyl boıy, KQ tirkeý týraly kýálik – ony keıin aýystyrǵanǵa deıin). Atalǵan qujattardy berý úshin memlekettik baj mólsheri ózgermeıdi jáne ol burynǵysha 1,25 AEK-ti quraıtyn bolady», - delingen habarlamada.
Eske salsaq, Qazaqstandaǵy júrgizýshi kýáliginiń jańa úlgisi jarııalanǵany týraly buǵan deıin habarlaǵan bolatynbyz.
Atalǵan sharalar júrgizýshi kýáligin jáne kólik quralyn tirkeý týraly kýálikti jeke basyn kýálandyratyn qujattarmen sáıkestendirý úshin qajet jáne qujattardy daıyndaýdyń biryńǵaı óndiristik standartyna kóshýge múmkindik beredi.
