Jańa ýaqyt beldeýi: Qazaqstandyqtar bir jylda neshe ret saǵat tilin ózgertedi
Saýda jáne ıntegratsııa mınıstrligi uıymdastyrǵan baspasóz konferentsııada qoldanbaly hronobıologııa sarapshysy Bolat Nurhojaev ýaqyt beldeýin ózgertý qalaı iske asatynyn túsindirdi, dep habarlaıdy Kazinform.
«Ashyq NQA» portalyndaǵy qujatqa súıensek, 2024 jyly naýryzda ýaqytty ózgertedi ekenbiz. Sodan keıin ol qala ma? Álde jylyna 2 ret aýystyryp turamyz ba?», - dep surady jýrnalıst.
Sarapshynyń aıtýynsha, bul – bir-aq rettik shara.
«Biz 12 oblys pen 3 qalanyń ýaqytyn tabıǵı ýaqytqa bir ret kóshiremiz boldy. Biz 1930 jyly alǵa jyljyp ketken bir saǵat ýaqytpen ómir súrip jatyrmyz. Kóp adam ony bilmeıdi», - dedi Bolat Nurhojaev.
Onyń sózinshe jańa ýaqyt beldeýi el astanasynyń tabıǵaı ýaqyt kórsetkishine saı.
«Jalpy besinshi saǵat beldeýi degen – Astana men Shyǵys Qazaqstannyń tabıǵı ýaqyt beldeý. Biz soǵan qaıtaraıyq dep jatyrmyz. Áleýmettik jelide kóptegen suraq boldy. Tabıǵı ýaqytqa kóshke zııandy ekeni týraly pikirler tarap jatyr. Biraq bul – ǵylymnyń máselesi. «+5» dep atalatyn ýaqyt beldeýi eldegi 12 oblys pen 3 oblysqa teńestirilgen qalanyń ýaqyt beldeý bolady. Ony esepteý op-ońaı. Kezinde 6 synypta oqydyq ony. ıAǵnı, kez kelgen qalanyń boılyqtaǵy koordınatyn alyp, 15 gradýsqa bólek, sol óńirdegi saǵat beldeýi shyǵady. Ony uıaly telefondaǵy koordınattarmen qarap, 15 gradýsqa bólý arqyly kez kelgen adam esepteı alady», - dedi maman.
