Jańa turpatty jýrnalıst daıyndaýǵa kóshý kerek - ǵalym
«Qazir kommýnıkatsııa qaryshtap damyp jatyr. Áleýmettik jeli, blogosfera, vıdeoarnalar, veb-radıolar, mýltımedıalyq gadjetter, podkastar jáne basqalary – jýrnalıstıkanyń jańa modelin dúnıege ákeldi. Osy oraıda jýrnalıstıka teorııasy men praktıkasy mamandary zaman talabyna saı jańa bilim baǵdarlamalaryn ázirlep, jańa turpatty jýrnalıst daıyndaýǵa kóshýi kerek. Oǵan ýnıversıtetter daıyn», - dedi E. Sydyqov onlaın-formatta «Qazaqstan Respýblıkasyndaǵy jýrnalıstıka deńgeıi» taqyrybynda ótken talqylaý barysynda.
Onyń paıymynsha, búgingi BAQ, jýrnalıstıka el damýynda, qoǵamdy basqarýda eleýli rólge ıe.
«Jýrnalıstıka kásip, qyzmet, mamandyq bolýdan góri úlken mindet arqalaǵan mıssııaǵa aınaldy. BAQ - elektorat senetin aqparat kózi. Sondyqtan da qazir kommýnıkatsııa quraldary aıqyndaıtyn halyq bıligi týraly aıta bastasaq ta bolady. Bul bolashaq jýrnalısterdi daıyndaý barysynda bizdiń jaýapkershiligimizdiń arta túsetinin taǵy bir dáleldeıdi», - dedi EUÝ rektory.
Budan buryn habarlanǵandaı, EUÝ rektory jýrnalıst daıarlaý úderisine «avtorlyq bilim baǵdarlamalaryn» engizýimiz kerektigin aıtty.
Sonymen qatar ol ár telearna men radıoarnada jýrnalıstıka kafedralarynyń fılıalyn ashý týraly usynysyn jetkizdi.
