Jańa týǵan sábıdi SMS arqyly turaqty mekenjaıǵa tirkeýge bolady
Memlekettik korporatsııasy baspasóz qyzmetiniń málimetinshe, dúnıege bala kelgende proaktıv tásilmen kórsetiletin memlekettik qyzmetter tizimine mekenjaı boıynsha tirkelý qyzmetin qosty. Bul memlekettik korporatsııanyń bastamasymen QR ІІM men Ádilet mınıstrlikteri derekqorlaryn ıntegratsııalaý nátıjesinde júzege asyp otyr.
Budan bylaı jańa bosanǵan áıelderge balanyń týý týraly qujatyn jasatyp, balabaqsha kezegine turý jáne járdemaqy alýǵa usynys bildiretin sms-habarlamamen birge jańa týǵan sábıdi mekenjaıǵa tirkeýge qoıýǵa múmkindik beretin habarlama qosa joldanady.
«Proaktıv tásili azamattarǵa eshqaıda shyqpaı-aq memlekettik qyzmetterdi alýǵa múmkindik beredi. Jańa tehnologııalar endi ǵana sábıli bolǵan ata-anaǵa HQO-ǵa barmaı, balanyń bar qujattaryn retteýge kómektesedi. Bar qajeti - telefonǵa kelgen SMS-ke jaýap berý ǵana», - deıdi memlekettik korporatsııanyń tóraıymy Ásemgúl Baltasheva.
Ereje boıynsha dúnıege kelgen sábıdiń ata-anasynyń birine eki apta ishinde mekenjaı tirkeýine turý jóninde sms-usynys joldanady. Jaýap berilgen jaǵdaıda baspana ıesi óz mekenjaıynyń tirkeý kodyn engizýi tıis. Páter ne úı balanyń ata-anasynyń atynda bolmaǵan jaǵdaıda baspana ıesiniń JSN qosa joldanady. Bul rette, proaktıv tásilmen joldanatyn kelte habarlamany alý úshin balanyń ata-anasynyń biri mindetti túrde mobıldi azamattar bazasynda tirkelýi kerek.
Aıta keteıik, 1,5 jyl buryn iske qosylǵan proaktıv tásilimen 70 myńnan astam balanyń týý týraly qujaty berilip, 13 myń bóbek balabaqsha kezegine turǵyzyldy.
