Jańa týǵan sábıdi bireýge berýdiń kez kelgen formasy zańsyz – ІІM ókili
Bul týraly QR Іshki ister mınıstrligi tergeý departamentiniń bastyǵy Sanjar Ádilov ortalyq kommýnıkatsııalar qyzmetinde ótken brıfıngide aıtty.
«Men jańa týǵan balalardy basqa adamdarǵa berýge baılanysty kez kelgen operatsııalardyń zańsyz ekendigine azamattardyń nazaryn aýdarǵym keledi. Mysaly, bıyl shildede Shymkent soty ózara kelisip, keıinnen jańa týǵan náresteni berý týraly mámileni zańsyz oryndaǵan eki otbasynyń ústinen aıyptaý úkimin shyǵardy. Balanyń bıologııalyq anasy týý týraly kýálikte «jubaıy» baǵanynda náresteniń bıologııalyq ákesiniń emes, satyp alýshynyń derekterin kórsetken. Keıin ol notarıýsta baladan bas tartýdy resimdegen. Bul is boıynsha barlyq adamdar ártúrli jazaǵa tartyldy», - degen Sanjar Ádilov keleshekte osyǵan uqsas jaǵdaılar bolmas úshin Іshki ister mınıstrligi múddeli memlekettik organdarmen birlese otyryp, birqatar uıymdastyrýshylyq-quqyqtyq sharalardy qabyldaǵanyn atady.
Naqty aıtsaq, balalardan bas tartýdy notarıaldy kýálandyrýǵa jáne olardy úshinshi tulǵalardyń qurýyna kelisýge tyıym salynatyn boldy.
«Bala asyrap alý týraly zańnamany qoldaný praktıkasyna prokýrordyń qatysýy mindetteldi. Perzenthanada ádilet organdarynan JSN alynǵanǵa deıin balanyń ID kodyn qalyptastyrý mehanızmi engizilip jatyr», - dedi ІІM ókili.