Jańa týǵan nárestesin tońazytqyshta qatyryp ustaǵan ana ustaldy
ASTANA. QazAqparat - Rıazan turǵynyna jańa týylǵan náresteni óltirdi degen aıyp taǵylýda, dep jazady sheteldik BAQ.
Tergeý derekterine súıensek, 2013 jyldyń aıaǵynda áıel óz úıinde er balany dúnıege ákelip, keıin odan qutylǵysy kelgenge uqsaıdy. Ol náresteni tońazytqyshtyń muzdatqyshyna salyp qoıǵan.
Bala ótken jyldyń 25 jeltoqsanynda dúnıege kelgen. Rıazan turǵyny 2014 jyly qańtarda turǵylyqty jerin aýystyrmaq bolyp sheshkenshe, bala tońazytqyshta jatqan. Kóshpes buryn áıel balany jumysyna - qalalyq naryqqa aparǵan. Sol jerde de saýda núkteleriniń birinde balanyń denesin tońazytqyshqa salǵan. Náresteniń denesin sol jerden taýyp aldy.
RF Rıazan oblysynyń tergeý basqarmasynan habarlaǵandaı, áıelge qatysty RF QK 106-baby «Ananyń jańa týǵan nárestesin óltirýi» baby boıynsha qylmystyq is qozǵaldy.
Tergeý organdary oqıǵanyń sebep-saldaryn anyqtaýda. Qylmystyq isti tergeý jalǵasýda.
