Jańa týǵan nárestesin ájethanaǵa tastap ketken jasóspirim ana sottaldy
Almaty qalalyq sotynyń málimetinshe, kámeletke tolmaǵandardyń isteri jónindegi mamandandyrylǵan aýdanaralyq sotta kámeletke tolmaǵan K. sottalýshynyń óziniń jańa týǵan balasyn óltirýge oqtalý (QR Qylmystyq kodekstiń 24-babynyń 3-bóligi jáne 100-baby) boıynsha is jabyq tártippen qaraldy
«Sot úkimimen kámeletke tolmaǵan K. kináli dep tanylyp, oǵan 8 aı bas bostandyǵyn shekteý túrindegi jaza taǵaıyndaldy»,- dedi qalalyq sottan.
Úkim zańdy kúshine endi.
Eske salaıyq, 25 tamyzda túnde qalanyń Túrksib aýdanynda jańa týǵan náresteni qutqarýǵa arnalǵan arnaıy is-shara ótti. Túrksib aýdandyq polıtsııa basqarmasynyń kámeletke tolmaǵandar isi jónindegi ýchaskelik ınspektory Nurjan Shatýnovtyń aıtýynsha, saǵat ekide kámeletke tolmaǵan qyzdyń túsik tastaǵany týraly habar berilgen. Polıtseı dárethana shuńqyrynan shaqalaqty alyp shyqty.
Keıin Іshki ister mınıstriniń buıryǵymen polıtsııa kapıtany Nurjan Shatýnov batyldyǵy úshin maıor shenin aldy.
2022 jyldyń qazan aıynda dárigerler balanyń jansaqtaý bóliminde 12 kún jatqanyn jáne osy ýaqyt ishinde barlyq qajetti tekserýler júrgizilgenin aıtty.
Náreste balalar úıine jiberildi.
