«Jańa tolqyn» jas oryndaýshylardyń kelesi baıqaýlary Sochıde ótetin bolady
ASTANA. QazAqparat - Kelesi jas oryndaýshylardyń halyqaralyq mýzykalyq «Jańa tolqyn» baıqaýy da Sochı qalasynda ótedi. Uıymdastyrýshylar ázirge ony qaı ýaqytta ótkizetinderin naqtylaǵan joq, baıqaý ne jeltoqsan aıynda ne jaz aılarynyń birinde ótýi múmkin.
Bul týraly jýrnalısterge baıqaýdyń bas dırektory Aleksandr Rýmıantsev aıtty, dep jazady BELTA. «Biz baıqaý Sochıde óte beredi dep úmittenemiz. Bul biraq bizge ǵana emes, qalaǵa, Krasnodar ólkesine baılanysty», dedi ol. Al Sochı bıligi 2016 jyly da festıvaldi qabyldaýǵa ázir. Qala basshysy Anatolıı Pahomovtyń aıtýynsha, «Jańa tolqyndy» uıymdastyrýshylardyń ózderi ony jaz aılarynda ótkizýdi qalap otyr. «Kelesi baıqaý tamyz, qyrkúıek aılarynyń birinde ótýi múmkin», - dedi Pahomov. Eske salaıyq, keshe Sochı qalasynda «Jańa tolqyn-2015» sońǵy baıqaý kúni ótti. Onda bıyl Qazaqstannyń namysyn eki qatysýshy: ánshi Ademi jáne VoiceKZ toby qorǵady. Jas ánshiler baıqaýynyń qorytyndysy boıynsha qazaqstandyq ánshi Ademi úzdik úshtikke enip , ındonezııalyq ánshi Millane Fernandez ekinshi oryndy bólisti.
