«Jańa tolqyn» Halyqaralyq án baıqaýynda el namysyn Qaırat Túntekov qorǵaıdy
strong> Sáýirdiń 22-si. QazAqparat /Názıra Eleýhan/- Bıyl Latvııadaǵy ıÝrmala qalasynda shilde aıynyń 27-i kúni bastalatyn jylsaıynǵy «Jańa tolqyn» Halyqaralyq baıqaýyna Qazaqstan atynan ánshi Qaırat Túntekov qatysady.
Ol jaqynda Máskeý qalasynda ótken irikteýden baıqaýdyń aqtyq synyna joldama aldy. Bul týraly búgin Almatyda ótken arnaıy baspasóz máslıhatynda Qaırat Túntekovtyń jáne «ADAM Production» Bas prodıýseri Dınara Adam málim etti, dep habarlaıdy QazAqparat.
Onyń aıtýynsha, Máskeýge Qazaqstannan 15 konkýrsant barǵan. «Biz úshin tyńdaý 3 kún ótti, negizinen ár elge 2 kúnnen berilgen. Máskeýde bolǵan tórt kún ishinde bárimiz bir-birimizge qoldaý kórsettik. Baıqaýǵa qatysýǵa 12 000 ótinish berildi, bizdiń elimizden birneshe adam fınalǵa ótti. Olardyń qatarynda ánshiler Bórte, Marsel, «Sleng» toby boldy», dep atap ótti jıyn barysynda Dınara Adam.
Onyń aıtýynsha, konkýrsqa deıin áli 2 aı bar. «Biraq, biz qazirdiń ózinen bastap daıyndyqqa kirisip kettik», dedi Qaırat Túntekovtyń Bas prodıýseri.
Ol sondaı-aq, óner baıqaýyn Qazaqstan Ulttyq telearnasy kórsetetinin aıtty.
