«Jańa tolqyn» baıqaýyna Qazaqstan atynan jas ánshi ADAM qatyspaq
ASTANA. 11 shilde. QazAqparat - 23 shilde men 28 shilde aralyǵynda ıÝrmalada dástúrli jyl saıynǵy jas oryndaýshylardyń «Jańa tolqyn-2013» («Novaıa volna-2013») halyqaralyq baıqaýy ótpek. «Jetinshi arna» arnaıy qazaqstandyq telekórermender úshin Qazaqstan Respýblıkasy aýmaǵynda baıqaýdyń aıryqsha translıatsııalaý quqyǵyn ıelendi.
«Dzıntarı» kontserttik zalynda álemniń ár elinen kelgen on bes baıqaýǵa qatysýshy óz baǵyn synǵa salady. Baıqaýdyń úsh kúninde jas oryndaýshylar álemdik úzdik týyndylardy, óz elindegi hıttar men jeke ánderiniń premerasyn oryndaıdy.
12-shi baıqaýda Qazaqstan atynan jas daryndy ánshi ADAM óz ónerin pash etpek. Baıqaýdyń jartylaı aqtyq synynda tanymal otandyq oryndaýshylardyń qatysqanyna qaramastan, baıqaýdyń aqtyq synyna joldamany jas ánshi ADAM qanjyǵasyna baılaǵan bolatyn. Jas ánshi «Jańa tolqyn» baıqaýyna qatysyp, joba qatysýshylarynyń qatarynan kórinýdi burynnan armandaǵanyn da jasyrmaıdy. Bolashaqta jas ánshi etnorok jáne djaz stılinde sapaly mýzyka jazýdy jalǵastyra bermek. Al qazirgi ýaqyttaǵy onyń basty mindeti - «Jańa tolqyn-2013» baıqaýynda óz ónerin laıyqty dárejede kórsetý.
«Bizdiń basty mindetimiz - qazaqstandyq estradada balamasy joq mýzykalyq joba jasaý. Búgingi ýaqytta sahnaǵa shyǵý sátinen bastap baıqaýdyń úsh kúnindegi mýzykalyq repertýardy, barlyq nıýanstardy egjeı-tegjeıine deıin oılastyrýdamyz», - deıdi baıqaýǵa qatysýshynyń prodıýseri Dınara Adam.
«Eń basty qıyndyq - laıyqty mýzykalyq repertýr tańdap alýda. Baqytymyzǵa oraı, bul máseleni sheshtik. ADAM-nyń janry óte kúrdeli, sondyqtan da onyń dıapazonyn kez kelgen án asha almaıdy. Baıqaýda ADAM qandaı ánmen óner kórsetetinine qatysty esh ıdeıa taba almaı, kóńilim qulazyp otyrǵan sátte telefonyma qońyraý shalynyp, ol jabyrqaǵan kóńilime kúsh syılady. Qońyraý shalǵan Qurmash Mahanov, ADAM-nyń oryndaýyna laıyqty tamasha án bar ekenin aıtty. Qurmashtyń aıtýynsha, ánniń áýenin ony tek ADAM oryndaýynda elestete otyryp jazypty. Bul jaǵdaıdy men tek mıstıka dep aıta alamyn. Qurmash bizge Muqaǵalı Maqataevtyń sózine jazylǵan «Gúlistan» ánin avtorlyq án retinde syıǵa tartty. Osy ánmen ADAM halyqaralyq baıqaýda el namysyn qorǵamaq», - deıdi D. Adam.
«ADAM - óte sırek kezdesetin vokal ıesi, daýysy serippeli, qatty, erekshe tembrli artıst. Onyń óz oryndaý ádisi, erekshe stıli, tembri bar, onyń ústine óte aqyldy jan. ADAM - shahmat boıynsha sport sheberine úmitker, kásibı mýzykant, oı-órisi bıik parasatty adam. Biz oǵan senemiz jáne onyń boıyndaǵy barlyq qasıetter elimizge kópten kútken jeńisti alyp berýge óz yqpalyn jasaıdy dep úmittenemiz», - dep aıtyp ótti qazaqstandyq ánshiniń prodıýseri.
