«Jańa tolqyn-2016» baıqaýynda Qazaqstannyń namysyn kim qorǵaıtyny belgili boldy
ALMATY. QazAqparat - Bıyl «Jańa tolqyn» án baıqaýynda Qazaqstannyń atynan «Saryn» dýeti qatysatyn boldy.
Bul týraly RinGo tobynyń ánshisi, prodıýser Danııar Ótegen aıtty.
Aıta ketý kerek, irikteý saıysy Máskeýde 18-19 sáýirde ótken bolatyn.
Oǵan álemniń ár elinen 100-ge jýyq konkýrsant qatysty.
«Saryn» dýeti (Altynaı Tólembetova men Berik Berdekeev) The Beatles tobynyń Back in the U.S.S.R, Meghan Treinor & John Legend I gonna lose you, A-Stýdıo tobynyń «Stop, noch» ánin jáne «Máńgilikke» avtorlyq ánin oryndady.
«25 mamyrǵa deıin biz baıqaý prodıýserimen án repertýaryn talqylaıtyn bolamyz. Múmkin jartylaı fınalda oryndalǵan ánder qalatyn shyǵar, múmkin tolyq ózgeretin shyǵar. Ony áli bilmeımiz. Konkýrsta Vıktor Drobyshtyń shyǵarmaashylyǵyna arnalǵan kún bolady. Onda biz «Novaıa volna» ónerpazdarymen qosylyp aıtýymyz kerek», - dedi D.Ótegen.
Baıqaý 3-8 qyrkúıek aralyǵynda Sochıde ótedi.
2015 jyly Qazaqstannyń atynan óner kórsetken Ademi 2- oryndy, The Voice toby 6-oryndy ıelengen bolatyn.
