«Jańa tolqyn - 2014»: Birinshi kúnniń qorytyndysy - Álisher Kárimov ekinshi orynda
ASTANA. QazAqparat - Latvııadaǵy kýrorttyq qala ıÝrmalada «Jańa tolqyn 2014» jas oryndaýshylardyń tanymal mýzykasynyń 13-shi halyqaralyq baıqaýynyń birinshi konkýrstyq kúni aıaqtaldy.
Onyń nátıjesi boıynsha Grýzııadan kelgen Nýtsa Býzaladze 79 ball jınap alǵa shyqty. Konkýrsanttar «álemdik hıt» sanatynda baq synasty.
Ekinshi oryndy úsh konkýrsant - Ýkraınadan Vıktorııa Petrık jáne Vıacheslav Rybıkov, sondaı-aq Qazaqstannan Álisher Kárimov bólisti. Olar 73 baldan jınady. Úshinshi orynda 72 ball jınaǵan Reseıdiń konkýrsanty Nodar Revııa.
«Jańa tolqyn - 2014» baıqaýy 22 shildede ıÝrmaladaǵy "Dzıntarı" kontserttik zalynyń sahnasynda bastaldy, ol 27 shildege deıin jalǵasady. Bıylǵy jylǵy óner básekesine álemniń 13 elinen: Armenııa, Germanııa, Grýzııa, Izraıl, Italııa, Qazaqstan, Qyrǵyzstan, Latvııa, Lıtva, Moldova, Reseı, AQSh jáne Ýkraınadan 16 jas ánshi qatysýda.
