«Jańa tolqyn - 2014»: Álisher Kárimov baıqaýdyń ekinshi kúni 4-orynda
ASTANA. QazAqparat - Latvııanyń ıÝrmala qalasynda ótip jatqan «Jańa tolqyn - 2014» halyqaralyq baıqaýyna Qazaqstan atynan qatysyp jatqan ánshi Álisher Kárimov saıystyń ekinshi kúniniń qorytyndysy boıynsha 4-orynǵa taban tiredi.
Ekinshi kúngi saıys talaby boıynsha qatysýshylar tanymal ánshilermen birge án shyrqaýy tıis boldy. Álisher bul kezeńde 2010 jylǵy «Novaıa volna» jeńimpazdarynyń biri ýkraınalyq Tatıana Shırkomen birge "Ispoved lıýbvı" ánin shyrqady.
Tanymal prodıýsser Igor Krýtoı tóraǵalyq etken qazylar alqasy Qazaqstannyń atynan synǵa túsken Álisherge eki kúnniń nátıjesi boıynsha 143 ball berdi. Ol baıqaýdyń alǵashqy kúni 73 upaıdy enshilegen edi.
Úshinshi kúngi saıys "Premeralar kúni" dep atalady. Onda qatysýshylar jańa ánderdi oryndaýy kerek. Álisher kópshiliktiń nazaryna "Árıne" atty ánin usynady. Bul ándi aqyn Talant Arǵynǵalı men kompozıtor Ǵalymbek Isimbergenov osy baıqaýǵa arnaıy jazǵan. Ol ánniń birinshi bóligin qazaq tilinde, ekinshi bóligin orys tilinde oryndaıdy.
Aıta keteıik, elimizde alǵash ret «Qazaqstan» ulttyq arnasy «Jańa tolqyn» baıqaýyn tikeleı efırde kórsetip jatyr.
