«Jańa tolqyn 2011» baıqaýynyń jartylaı fınalyna Qazaqstannyń 11 ánshisi qatysady
ASTANA. 24 naýryz. QazAqparat /Jasulan Amanbaıuly/ - Astanada jas oryndaýshylardyń «Jańa tolqyn-2011» jáne «Balalar jańa tolqyny-2011» halyqaralyq konkýrstarynyń ulttyq irikteý týry ótti.
«Jańa tolqyn»baıqaýynyń jartylaı fınalyna elimizdiń 11 ánshisi qatysýǵa joldama aldy.
«Máskeýde bolatyn «Jańa tolqyn» baıqaýynyń jartylaı fınalyna qatysatyn 7 myqty konkýrsant jáne «Balalar jańa tolqynyna» 4 balǵyn tańdalyp alyndy. Іrikteýdegi basty ólshem - daryn. Biz eń daryndy ánshilerdi suryptadyq. Qatysýshylarǵa biz emes, olar bizge qajet», - deıdi baıqaýdyń bas dırektory Aleksandr Rýmıantsev jýrnalıstermen kezdesýinde.
Sonymen Reseıge Almaty qalasynan Ádiljan Omarov, Aıoka, Dınara Sultan, Rınat Maltsagov, Dıana Sharapova, Aqtaý «Alaý» dýeti jáne Astana qalasynan Rústem Júgúnisov attanatyn boldy.
Bas dırektordyń aıtýynsha, baıqaýǵa qatysýǵa Qazaqstannan 150 ótinish kelip túsken. Degenmen uıymdastyrýshylar úshin bastysy ánshilerdiń sany emes, sapasy. «Balalar jańa tolqyny» jobasy aıasynda el namysyn Máskeýde Vanessa Bezrodnaıa, Mılena Gonchar, Іńkár Nádirbekova jáne Roza Sámetova syndy 8 jáne 13 jas aralyǵyndaǵy kishkentaı ánshiler qorǵaıtyn bolady.
Іrikteý týry 22 naýryzda Astanadaǵy «Qazaqstan» ortalyq kontsert zalynda ótken bolatyn. Al 23 naýryzda «A-Stýdıo» tobynyń jáne «Jańa tolqyn - 2011» konkýrsynyń qatysýshysy - Qaırat Túntekovtiń qatysýymen gala-kontsert ótti.
«Jańa tolqyn» halyqaralyq konkýrsy osydan 10 jyl buryn kórnekti kompozıtor Igor Krýtoı jáne Raımond Paýlstyń bastamasymen qolǵa alynyp, búgingi tańǵa deıin ıÝrmalada ótkizilip keledi. Halyqaralyq mańyzdaǵy jarqyn mádenı oqıǵa bolyp tabylatyn bul konkýrstyń basty maqsaty - jańa esimderdi ashý.
