Jańa «Termınator» fılmderi 2017, 2018 jyldary kórsetiledi
ASTANA. QazAqparat - 2015 jyly AQSh-ta kórsetiletin «Terminator: Genisys» fılminiń qalǵan eki serıasy qashan jaryqqa shyǵatyny belgili boldy. Brıtandyq Digital Spy portalynyń habarlaýynsha, eki fılm 2017, 2018 jyldary kórsetiledi, dep habarlady ITAR-TASS.
«Paramount Pictures» kınokompanııasy fılmniń ekinshi serıasy 2017 jyldyń 19 mamyrynda, úshinshi serıasy 2018 jyldyń 29 maýsymynda jaryqqa shyǵatynyn habarlaǵan.
Aıta ketý kerek, Terminator: Genisys AQSh kınoteatrlarynda 2015 jyldyń 1 shildesinen bastap kórsetiledi. Jańa «Termınatorda» da basty róldi Arnold Shvartsenegger somdaıdy. Sonymen qatar, fılmde Emılııa Klark, Djeıson Klark, Djaı Kortnı, Mett Smıt, Lı Ben Hon syndy tanymal akterlar men aktrısalar bar. Fılm rejısseri - Alan Teılor. Al qalǵan eki serıasynda Shvartsaneggerdiń qatysýy týraly naqty aqparat joq.
