Jańa termınaldyń tóbesinen sý aqty. Almaty áýejaıy jaǵdaıdy túsindirdi

ASTANA. KAZINFORM — Áleýmettik jelilerde Almatynyń jańa halyqaralyq termınal ǵımarattarynyń birinde sý aǵyp jatqany beınelengen vıdeo taratylýda.

Алматы әуежайының президенті мәлімдеме жасады
Фото: Александр Павский/Kazinform

Almaty halyqaralyq áýejaıy osy vıdeoǵa qatysty túsinikteme berdi. Merdiger uıym 1-termınal men 2-termınal arasyn sýmen jabdyqtaý úshin rezervtik qubyr ornatý jumystaryn júrgizdi.

— 23 aqpanda júıeni synaqtan ótkizý kezinde qubyrlardyń jalǵasqan jeri ajyrap ketip, saldarynan 2-termınaldyń kútý zalyna sý aǵyp ketti. Jaǵdaı jedel túrde baqylaýǵa alyndy jáne oqıǵanyń saldary qysqa merzim ishinde joıyldy. Bul oqıǵa áýejaıdyń jumysyna áser etpedi jáne jolaýshylar men qyzmetkerlerdiń qaýipsizdigine qaýip tóndirmedi. Keltirilgen qolaısyzdyqtar úshin keshirim suraımyz jáne túsinistik tanytqanyńyz úshin alǵys aıtamyz, — dep atap ótti áýejaıdyń korporatıvtik kommýnıkatsııalar departamenti.

Eske salsaq, buǵan deıin Almaty áýejaıynyń eski jáne jańa termınaly arasynda kópir ashylǵanyn jazǵanbyz. Buǵan deıin eki termınal arasynda tikeleı baılanys bolmaǵan edi. Eski ne jańa termınaldan ekinshisine barý úshin ǵımarattyń syrtyna shyǵyp, jaıaý júrý qajet bolatyn.

Sonymen qatar, Almaty áýejaıynda janýarlarǵa arnalǵan aımaq ashylǵany da aıtyldy.

Сейчас читают