Jańa tehnologııalardyń arqasynda áleýmettik saladaǵy elektrondy qyzmetter sany jyl saıyn artyp keledi - B.Saparbaev
ASTANA. QazAqparat - Búgin Úkimet Úıinde QR Premer-Mınıstriniń orynbasary Berdibek Saparbaev Halyqaralyq áleýmettik qamsyzdandyrý qaýymdastyǵynyń (HÁQQ) prezıdenti Errol Frank Stýve bastaǵan delegatsııamen kezdesý ótkizdi, dep habarlady primeminister.kz.
Kezdesý barysynda áleýmettik qamsyzdandyrý salasynda aqparattyq jáne kommýnıkatsııalyq tehnologııalardy (AKT) paıdalaný máseleleri talqylandy.
B.Saparbaev Qazaqstanda áleýmettik saladaǵy AKT damytýǵa erekshe kóńil bólinetinin atap ótti.
«AKT salasyn damytý serpini sońǵy jyldary ekpindep ósip keledi. Jańa tehnologııalardy engizýdiń arqasynda áleýmettik saladaǵy elektrondy qyzmetter sany jyl saıyn artyp keledi. Bizdiń elimiz AKT damytý deńgeıi boıynsha úlken jetistikterge jetip, TMD elderi arasynda jetekshi oryndarǵa ıe boldy», - dep basa aıtty vıtse-premer.
Ol sondaı-aq, Qazaqstan daǵdarys kezinde de barlyq áleýmettik mindettemelerdi oryndap otyrǵan álemdegi sanaýly elderdiń biri ekenin aıtty.
Vıtse-premer sondaı-aq, Astanada 2-4 qyrkúıekte HÁQQ qamqorlyǵymen áleýmettik qamsyzdandyrýdaǵy aqparattyq jáne kommýnıkatsııalyq tehnologııalar boıynsha halyqaralyq konferentsııa ótkizýdiń mańyzdylyǵyn atap ótti.
«Osyndaı aýqymdy is-shara halyqaralyq yntymaqtastyqty ári qaraı jalǵastyrýǵa jáne tájirıbe almasýǵa jaǵymdy orta qalyptastyryp, Qazaqstannyń áleýmettik qamsyzdandyrýyndaǵy aqparattyq jáne kommýnıkatsııalyq tehnologııalardy damytýǵa jańa serpin beredi», - dep túıindedi B.Saparbaev.
Óz kezeginde Errol Frank Stýve qazaqstandyq tarapqa konferentsııa uıymdastyrýǵa qol ushyn bergeni úshin alǵys bildirip, atalǵan dıalog alańy áleýmettik qamsyzdandyrýdaǵy AKT salasyn odan ári damytýǵa syndarly sheshim jasaýǵa septigin tıigzetinine senim bildirdi.
