Jańa tehnologııalardy engizý: «QAIST» ǵylymı-bilim berý jobasy ázirlenip jatyr

ASTANA. KAZINFORM — Ǵylym jáne joǵary bilim mınıstri Saıasat Nurbek KAIST modelindegi «QAIST» ǵylymı-bilim berý jobasyn ázirleýge qatysýshy ǵalym-sarapshylardy qabyldady.

Júzdesýde «QAIST» jobasyn iske asyrýdyń aldaǵy kezeńderi jan-jaqty talqylandy.

«QAIST» jobasy — Azııadaǵy jetekshi ǵylymı-tehnologııalyq joǵary oqý oryndarynyń biri sanalatyn Koreıanyń ǵylym jáne tehnologııalar ınstıtýtynyń úlgisi retinde jasalmaq.

Kezdesýde mınıstrge joba boıynsha atqarylyp jatqan jumys nátıjeleri baıandalyp, aldaǵy jumys jospary tanystyryldy.

Mınıstr Saıasat Nurbek atalǵan bastamany qazaqstandyq jáne koreıalyq ǵalymdarmen birlese otyryp, sapaly jáne ýaqytyly aıaqtaýdy tapsyrdy.

Aıta keteıik, Ǵumarbek Dáýkeev atyndaǵy Almaty energetıka jáne baılanys ýnıversıtetinde KAIST modelindegi «QAIST» ǵylymı-bilim berý jobasyn ázirleý boıynsha forsaıt-sessııa otyrysy ótken bolatyn. Munda KAIST úlgisin Qazaqstan jaǵdaıyna beıimdeý múmkindikteri talqylanyp, ǵalym-sarapshylardyń usynys-pikiri saralandy.

Halyqaralyq is-sharaǵa Koreıa Respýblıkasynyń Almatydaǵy Bas konsýly Ha Te Ýk, AEjBÝ rektory Ǵanı Nyǵymetov, «QAIST» jobasynyń teń quryltaıshysy Dana Moldaqulova, KAIST professorlary Djong Kım, Syng-Tek Rıý, Djongýmýn Baık qatysty. Buǵan qosymsha talqylaý jumysyna Nazarbayev University, AlmaU, SDU, ENERGO University, sondaı-aq halyqaralyq kompanııalardyń ókilderi jınaldy.

Kezdesýde KAIST professorlary baıandama jasap, ınstıtýttyń jetistikteri men sońǵy júrgizip jatqan jumystaryna toqtaldy.

Óz kezeginde Almaty energetıka jáne baılanys ýnıversıtetiniń rektory Ǵanı Nyǵymetov halyqaralyq yntymaqtastyqtyń mańyzdylyǵyn atap ótti.

Sessııa barysynda taraptar ınjenerııa, tsıfrlyq transformatsııa, turaqty tehnologııa jáne jasandy ıntellekt bilim berý baǵdarlamalaryn birlesip ázirleýdi usyndy.

Aıta ketelik Tájikstannyń joǵary oqý oryndary qazaqstandyqtar úshin 100 grant bólgen edi.