Jańa tehnologııalar arqyly óndirilgen azyq-túlikke suranys joǵary - Aqmola oblysy
KÓKShETAÝ. QazAqparat - Aqmola oblysynda jańa tehnologııalar arqyly óndirilgen azyq-túlikke elimizde de, shetelde de suranys joǵary. Bul týraly «Esil» áleýmettik-kásipkerlik korporatsııasy» UK» AQ-nyń basqarma tóraǵasynyń mindetin atqarýshy Erkebulan Baıahmetov aıtty, dep habarlaıdy QazAqparat tilshisi Aqmola oblysynyń ishki saıasat basqarmasyna silteme jasap.
Onyń aıtýynsha, Elbasy Nursultan Nazarbaevtyń «Tórtinshi ónerkásiptik revolıýtsııa jaǵdaıyndaǵy damýdyń jańa múmkindikteri» atty Joldaýynda aıtylǵan Indýstrııalandyrýdy jańa tehnologııalardy engizýdiń kóshbasshysyna aınaldyrý týraly mindet Aqmola oblysynda da sátti júzege asyrylýda.
«Innovatsııa salasyndaǵy jobalardy keshendi túrde júıeleý jáne odan ári júzege asyrý maqsatynda bilim, ǵylym berý mekemeleri, kásipkerlik sýbektileri, damý ınstıtýttary, qoǵamdyq uıymdary jelilik áreket etýdiń resýrsy retinde Aqmola óńirlik ǵylymı-zertteý tehnologııalyq parki quryldy. Tehnoparktiń basty maqsaty - ınnovatsııany jetildirý jáne ilgeri jyljytýda qolaıly jaǵdaı jasaý, ony áleýmettik sala jáne kásipkerlik nysandarynda engizý. Osy oraıda, Aqmola oblysynda jastardyń «Startup Bolashak - Meniń armanym» bıznes-jobalary ulttyq baıqaýy ótkizý qolǵa alynǵan. Budan bólek «Aqyldy tehnologııa» jobasy aýyl sharýashylyǵy keshenin damytýǵa zor múmkindik týǵyzyp otyr. Bul sala Qazaqstannyń ınnovatsııalyq damýynyń basty baǵyty bolyp tabylady. Bizdiń maqsat ishki suranysty qanaǵattandyrý ǵana emes, joǵary sapaly ónimdi eksportqa shyǵarý. Osy oraıda, «Esil» áleýmettik-kásipkerlik korporatsııasy» UK» AQ ońtústik koreıanyń «Noroo Kiban» kompanııasymen birlesip, Kókshetaý qalasynda aýmaǵy 10 gektar jerde jylyjaı kesheniniń qurylysyn júrgizýdi josparlap otyr. Jobany júzege asyrý ishki naryqtaǵy jergilikti kókóniske degen suranysty azaıtýǵa múmkindik beredi», - deıdi Erkebulan Baıahmetov.
Sonymen qatar, ol «Qazaqstanda jasalǵan» brendin jyljytý basty baǵyt bolyp otyrǵanyn atap ótti.
«2017 jyldyń qarasha aıynda Astana qalasynda «Aqmol» saýda jelisi qurylyp, osy kúni 3 dúken jumys istep tur. Aqmola oblysynyń taýar óndirýshileri et, sút, ónimderi men kókónis jáne ózge aýyl sharýashylyǵy taýarlaryn saýdaǵa shyǵarýda. Aldaǵy ýaqytta mundaı dúkender sanyn 10 jetkizýdi kózdep otyr. Jalpy, Aqmola oblysynda óndiriletin azyq-túlikke elimizde de, shetelde de suranys joǵary», - deıdi Erkebulan Baıahmetov.
Foto: www.spk-esil.kz
