Jańa tehnologııa saldarynan aldaǵy 10 jylda kóptegen mamandyqtar joıylady - ǵalymdar
ASTANA. QazAqparat - Jasandy ıntellektiniń damýy saldarynan aldaǵy 10 jylda kóptegen mamandyqtar joıylady, dep habarlaıdy CNN Money basylymy. Amerıka bankiniń esebinde, 2025 jyldary robottar AQSh-ta óndiris jumysynyń 45 paıyzyn atqarady delingen. Qazir bul kósetkish - 10%.
Joıylatyn kásipter qatarynda - málimetterdi óńdeýge qatysty ákimshilik qyzmetter, óndiristik mamandar tur. Robottandyrý 80-100% qamtıtyn mamandyqtar qatarynda - taksı júrgizýshileri, naýbaıshylar, farmatsevtıka qyzmetkerleri, saqtandyrý agentteri, satýshylar, salyq jınaýshylar bar.
Suranys azaımaıtyn salalar retinde túısikti talap etetin, adam janyn túsinetin ári áleýmettik qarym-qatynasty qajet salalar atalýda. Olar - dárigerler, psıhologtar, órt sóndirýshiler, polıtseıler, ártister, áleýmettik jáne din qyzmetkerleri.
Ekonomıka sarapshylary robottandyrý jahandyq ekonomıkany ózgertip, tabystyń árkelkiligin arttyra túsedi dep boljaýda. Óıtkeni, avtomattandyrýdan tómen jalaqyly ári biliktilik talap etilmeıtin qyzmetkerler zardap shegedi.
Alaıdy Deloitte zertteýlerine qarasaq, Anglııada sońǵy 140 jylda jańa tehnologııa almastyryp jabylǵan jumys oryndarynan oǵan qyzmet kórsetýshi jumys oryndary kóp ashylǵan.
