Jańa tehnologııa men jasandy ıntellekt kitaphanalardyń jumysyn ózgertip jatyr

ASTANA. KAZINFORM – Astanada ótken 89-shy Dúnıejúzilik kitaphana kongresinde kitaphanalardyń bolashaqtaǵy kelbeti, tsıfrlyq transformatsııasy jáne jasandy ıntellektini engizý máseleleri talqylandy, dep habarlaıdy Jibek Joly.

Kongreske álemniń 114 elinen 1700-den astam delegat qatysty. Shara barysynda oqyrmandarǵa qyzmet kórsetýdi jeńildetý joldary qaraldy. Qazirdiń ózinde kitaptardy onlaın tapsyrys berip, kez kelgen ýaqytta avtomattandyrylǵan jáshikterden alýǵa múmkindik bar.

Sonymen qatar jasandy ıntellekt suranysty taldap, oqyrmanǵa qyzyǵýshylyǵyna sáıkes ádebıetterdi usynady. Mundaı júıeler Qazaqstandaǵy kóptegen aldyńǵy qatarly ýnıversıtetterde belsendi qoldanylyp keledi.

– «Shaǵyn stansa» daýystyq kómekshimen jabdyqtalǵan. Oǵan jaqyndap, qaı kitap qaı jerde turǵanyn suraı alasyz. Ekranda karta ashylady da, biz ýaqyt joǵaltpaı birden qajetti kitapqa baramyz. Ýaqyt únemdeý úshin «aqparattyq arba» qoldanylady. Arnaıy qurylǵyny kitaptardyń qasyna aparsaq, olardyń barlyq málimeti ekranda paıda bolady. Biz endi kitapty ashyp, betterin aqtarmaımyz, tek qurylǵyny jaqyndatsaq jetkilikti, – deıdi IDLOGIC kompanııasy halyqaralyq satý bóliminiń jetekshisi Sofııa Chernyshova.

Aıta keteıik, Almatyda ınteraktıvti aımaqtary bar zamanaýı balalar kitaphanasy ashylady.

Ulttyq elektrondy kitaphanany paıdalanýshylar sany 44% artty.