Jańa tehnologııa elimizdi órkendetýge jol ashady - stýdent

QYZYLORDA. QazAqparat - Elbasynyń Qazaqstan halqyna arnalǵan kezekti Joldaýy keler jyldyń «Jastar jyly» atanýy da keleshek kiltin ustaǵandar úshin keremet múmkindik. 

Basty maqsat - jastardyń memleket damýyna tikileı áser etetinin túsindirý, olardyń ynta-jigerine ún qosý. Qyzylorda qalasyndaǵy kópsalaly «Ulaǵat Qyzylorda» kolledji men A.S.Pýshkın atyndaǵy ortalyq kitaphana qyzmetkerleri «Elbasy Joldaýy - basty baǵdar» atty dóńgelek ústelge qatysýshylar osylaısha oı-pikirlerin bildirdi, dep habarlaıdy QazAqparat tilshisi.

«Jańa dáýir bizdi jańa tehnologııamen qýantady. Sol sebepti biz bar yntamyzdy úzdik baǵdarlamalar men jańa dúnıelerdi úırenýge, oılap tabýǵa arnaýymyz kerek. Aýyz toltyryp aıtýǵa turarlyq jańalyq asha alsaq ol elimizdi órkendetýge óz septigin tıgizedi. Sol sııaqty sport jáne týrızm salasyna da jańa ózgerister engizýdi qarastyrý kerek. Jastardy jigerlendirý, qabiletterin arttyrý maqsatynda jumys jasaıtyn bolamyz», - dedi kópsalaly «Ulaǵat Qyzylorda» kolledjiniń stýdenti Janarbek Bekarysov.

Jıyn sońynda stýdentter ortalyq kitaphana qyzmetkerleriniń arnaıy daıyndaǵan «Elbasy Joldaýy - tarıhı dáýir bastaýy» atty kitap kórmesimen tanysty.