Jańa tarıhı kezeńniń baǵyttary: Shymkentte Prezıdent Joldaýy boıynsha aýqymdy ashyq dıalog ótti

Aýqymdy sapardyń basty maqsaty – Prezıdent aıqyndaǵan negizgi baǵdarlardy túsindirý jáne megapolıs turǵyndarynyń talap-tilekterin tikeleı óz aýzynan estý.

Qalanyń barynsha kóp aýmaǵyn jáne kásibı qaýymdastyqtaryn qamtý úshin jumys toby birneshe aqparattyq topqa bólindi. Birinshi jumys tobynyń quramyna QR Ulttyq quryltaıynyń І shaqyrylym depýtaty B.M.Narymbetov, QR Kásipodaqtar federatsııasynyń tóraǵasy S.T.Dáýletalın jáne Qazaqstan Respýblıkasy Densaýlyq saqtaý mınıstrligi Farmatsevtıkalyq baqylaý komıtetiniń tóraǵasy B.A.Djýsıpov kirdi. 

Ekinshi top spıkerleriniń quramynda QR Eńbek jáne halyqty áleýmettik qorǵaý birinshi vıtse-mınıstri E.J.Tuıaqbaev, Shymkent qalasy Qoǵamdyq keńesiniń tóraǵasy B.R. Parmanov, Qazaqstan Halyq keńesiniń múshesi A.R.Imanqulov jáne QR Ulttyq ekonomıka mınıstrligi Arnaıy baǵdarlamalar komıtetiniń tóraǵasy B.M.Syzdykov bar.

Kezdesýler kestesi óte tyǵyz boldy: Saıram turǵyn alabynyń, Qarataý jáne Ál-Farabı aýdandary turǵyndarymen ashyq dıalogtardan bastap, salalyq eńbek ujymdarymen kezdesýlerge deıin uıymdastyryldy.

Pikirtalas alańdaryndaǵy jumys barysynda spıkerler Prezıdent qoıǵan strategııalyq mindetterdi egjeı-tegjeıli talqylady.

Infraqurylymdyq serpilis jáne «Halyqtyq qurylys» baǵdarlamasy: Kezdesýlerde áleýmettik ınfraqurylymdy aldaǵy aýqymdy jańǵyrtýǵa erekshe nazar aýdaryldy. «Halyqtyq qurylys» aıasynda barlyq óńirde kóptegen áleýmettik nysandar – mektepter, aýrýhanalar, emhanalar, erekshe qajettilikteri bar balalarǵa arnalǵan ońaltý ortalyqtary, mádenıet jáne óner ortalyqtary, sport ortalyqtary salynady. Bul nysandar azamattarymyzdyń kúndelikti ómirin sapaly túrde ózgertedi.

«Ońtústik Jaryq» JShS alańynda sarapshylar energetıkalyq jelilerdi jańǵyrtý, kommýnaldyq sharýashylyqtyń turaqtylyǵyn qamtamasyz etý jáne óńirlik jobalarǵa ınvestıtsııa tartý máselelerin talqylady.

Densaýlyq saqtaý jáne adamǵa qamqorlyq: «Nursat» shaǵyn aýdanyndaǵy perınataldyq ortalyqtyń medıtsına ujymymen kezdesý barysynda Joldaýdaǵy jańa densaýlyq saqtaý nysandaryn salý jáne qoldanystaǵy nysandar qoryn jańǵyrtý jónindegi bastamalar talqylandy. Spıkerler sapaly medıtsınalyq qyzmetter árbir azamatqa turǵylyqty jerine qaramastan qoljetimdi bolýy tıis ekenin atap ótti.

Eńbekti qoldaý jáne tabysty arttyrý: Kásiporyndardyń eńbek ujymdarymen kezdesýlerde jumys toptarynyń ókilderi eń tómengi jalaqyny arttyrý, eńbekkerlerdiń quqyqtaryn qorǵaý jáne áleýmettik kómekti onyń ataýly ári ádil bolyp qalýy úshin jetildirý jónindegi memlekettiń kezeń-kezeńimen júzege asyratyn qadamdaryn túsindirdi.

Kadrlyq áleýet, jastar jáne kelisim: Delegatsııa ókilderi M.Áýezov atyndaǵy Ońtústik Qazaqstan zertteý ýnıversıtetine jáne «Qoǵamdyq kelisim» KMM-ge bardy. Belsendi jastarmen kezdesýde ınjenerlik jáne tehnıkalyq mamandyqtardyń suranysqa ıe bolýy, sondaı-aq jas kásipkerlerge túsetin retteýshilik júktemeni azaıtý máseleleri sóz boldy. «Qoǵamdyq kelisimde» etnomádenı birlestikter el turaqtylyǵynyń irgetasy retinde qoǵamdyq birlikti nyǵaıtý máselesin talqylady.

Mádenıetti damytý: Ál-Farabı atyndaǵy qalalyq kitaphana ǵımaratynda óner jáne mádenıet qaıratkerlerimen shyǵarmashylyq qaýymdastyqty qoldaý jáne barlyq óńirdegi mádenıet nysandaryn jańartý máseleleri boıynsha tikeleı áńgime ótti.

Shymkent turǵyndary respýblıkalyq deńgeıdegi basshylarǵa eń ózekti máseleler boıynsha suraqtaryn qoıdy. Jol ınfraqurylymyn damytý, turǵyn alaptardy abattandyrý, bilim sapasy jáne shaǵyn bızneske arnalǵan jaǵdaılar taqyryptary kóterildi.

Delegatsııa qatysýshylary atap ótkendeı, qala turǵyndary aıtqan barlyq usynystar men eskertýler jumysqa qabyldandy. Kezdesýlerdiń qorytyndysy ortalyq bıliktiń óńirlermen tikeleı dıalogy Ádiletti Qazaqstan qurý baǵytyn iske asyrýdaǵy negizgi tetik bolyp qala beretinin kórsetedi.