Jańa taǵaıyndalǵan senatorlar Komıtetterge múshelikke saılandy
ASTANA. 15 qarasha. QazAqparat - Jaqynda saılanǵan senator Vladımır Bobrov Senattyń Konstıtýtsııalyq zańnama, sot júıesi jáne quqyq qorǵaý organdary komıtetiniń múshesi bolyp saılandy.
Sonymen qatar, depýtat Serik Nógerbekov Qarjy jáne bıýdjet komıtetiniń múshesi boldy. Búgin QR Parlamenti Senatynyń jalpy otyrysynda palata depýtattary osyndaı qaýly qabyldady.
Eske sala ketsek, S. Nógerbekov pen V. Bobrov bosatylǵan depýtattardyń ornyna Qazaqstan Respýblıkasy Prezıdentiniń Jarlyǵymen taǵaıyndalǵan bolatyn.
Serik Nógerbekov buǵan deıin QR Prezıdenti Ákimshiligi áleýmettik-ekonomıkalyq monıtorıng bóliminiń meńgerýshisi qyzmetin atqarǵan bolatyn. Al Vladımır Bobrov «Nur Otan» HDP hatshysy qyzmetin atqaryp keldi.
